- ДЭЛХИЙН ШИНГЭРҮҮЛСЭН ХИЙН ТҮЛШНИЙ ХОЛБОО (WLPGA)

“Дашваанжил” ХХК нь 2019 оноос хойш Дэлхийн Шингэрүүлсэн Хийн Түлшний Холбоо (WLPGA) – нд гишүүнээр элсэж дэлхийд Монгол улсаа төлөөлөх цор ганц компани болсон юм.

Дэлхийн Шингэрүүлсэн Хийн Түлшний Холбоо (WLPGA) нь шингэрүүлсэн хийн түлшийг түгээдэг аж ахуй нэгжүүдийг нэгтгэн, зөвлөмж удирдлагаар хангадаг олон улсын нэр хүнд бүхий байгууллага билээ. Өнөөдөр тус холбоо нь шингэрүүлсэн хийн түлш буюу LPG-ийг ашигладаг 125 орны 300 гаруй аж ахуй нэгжүүдийг дэлхийн өнцөг булан бүрээс нэгтгэн үйл ажиллагаагаа эрхэлдэг.

WLPGA нь олон улсын нөлөө бүхий албан байгууллагуудтай хамтран ажилладаг бөгөөд эрх баригч болон удирдагчидтай хамтран асуудлыг шийдвэрснээр гишүүн улсуудын эрх ашгийг хамгаалдаг. Уг холбоо нь Нэгдсэн Үндэсний Байгууллагын тусгай зөвлөх төдийгүй Дэлхийн Банк, Азийн Хөгжлийн Банк, Олон Улсын Эрчим Хүчний Агентлагтай түншийн харилцаатай ажилладаг.

Бидний хувьд бусад улс орны жишгээр тус холбооноос өгсөн удирдлага, зөвлөмжийн дагуу олон улсын цогц стандартад нийцсэн шингэрүүлсэн хийн түлшийг Монголынхоо хэрэглэгчдэд хүргэн ажиллаж байна.

”Дашваанжил” компани нь WLPGA-ийн олон улсын гишүүдийн хооронд тогтмол зохиогддог интерактив хурал уулзалт болон техникийн мэргэжилтнүүдийн уоркшоп-д оролцож туршлага солилцох зэргээр хамтран ажилласаар ирсэн.

Мөн WLPGA-ийн жил бүр зохиогддог шинэ технологийн уулзалтанд оролцож, тус холбооны 1. Харилцаа 2. Арилжааны хөгжил 3. Стандартууд 4. Шинийг санаачлал болон технологи гэсэн матрикс бүтэцтэй дөрвөн гол зорилтын шаардлагад хүрэхээр шаргуу ажилласаар байгаа төдийгүй, дэлхийн бусад байгууллагуудтай холбоо харилцаатай байж ямагт урагш тэмүүлэн ажиллахыг зорьж байна.

Бид алсдаа олон улсын зах зээл дээр хийн түлш борлуулах, хийн аж ахуйн барилга байгууламж барих, зураг төсөл боловсруулах дэлхийн хэмжээний компани болох, хийн түлшний салбарын хөгжлийн хөтлөгч хүч байх хэтийн зорилго тавин ажилласаар байна. Дэлхийн Шингэрүүлсэн Хийн Түлшний Холбооны гишүүн гэдэг утгаараа өндөр мэдлэг, чадвартай мэргэжлийн баг хамт олон байж, олон улсын дэвшилтэт технологийг Монгол улсад нутагшуулах, байгальд ээлтэй хийн түлшний зөв зохистой хэрэглээг нийтэд таниулан түгээх нь бидний үүрэг юм.

Манай баг хамт олон Мэдлэг, Чадвар, Чанар, Ёс зүй, Байгаль орчин зэргийг эрхэмлэн үнэт зүйлээ болгосноороо WLPGA-ны сайшаалыг хүртсээр ирсэн юм. “Дашваанжил” компанийн хувьд дээрх таван үнэт зүйлийг эрхэмлэн дагаж мөрдөн дэлгэрүүлэх нь ямар ч гавъяа шагналаас илүү билээ.

List Page Test EN

About us

News and information

Services

Contact

Socials