1910 онд АНУ-ын иргэн Валтер Снелинг анх шатахууныг ууршуулан туршилт хийжээ. Тэрээр туршилтаараа шатахууны ууранд байгалийн хий болох пропан, бутан, төрөл бүрийн хөнгөн нүүрс-устөрөгч байгааг илрүүлснээр одоогийн шингэрүүлсэн хийн түлш буюу LPG үүсэх нөхцөлийг бүрдүүлжээ.
Шингэрүүлсэн хийн түлшийг дэлхийд 1992 оны үед харин Монголд 1998 оноос аж ахуйн салбарт хэрэглэж эхэлжээ. Тухайн үед шилний үйлдвэрийн ажилд хийн түлшийг ашиглаж эхэлсэн бол 2000 он гарснаар аж ахуй нэгж, иргэд хийн түлшний ашигт чанарыг танин хэрэглэж эхэлсэн түүхтэй.
Шингэрүүлсэн хийн түлшийг олон улсад маш өргөн ашигладаг. Учир нь хэрэглээний ашигт үйлийн коэффициент, бүтээмж өндөртэйгөөс гадна бүрэн шаталттай, БАЙГАЛЬ ОРЧИНГ БОХИРДУУЛДАГГҮЙ түлш юм.
Хамгийн анхны агаарын бөмбөлөг 1783 онд ах дүү хоёр Парист бодит болгож чадсан юм. Францын иргэн ах, дүү Монтгольфье халуун агаараар дүүргэж, цэнэглэсэн агаарын бөмбөлгөөр хөөрөх санаа гаргаж 1783 оны энэ өдөр туршжээ. Сагсны дунд зуух тавин тэндээс халуун агаараар бөмбөрцгийг хөөргөсөн байна. Анхны нислэгээр хүн нисээгүй байна. Тэд олон үзэгчдийн өмнө агаарын бөмбөлгөө 300 гаруй метр газар нисгэж агаарын бөм¬бөлгийн анхны загварыг албан ёсоор бүртгүүлжээ. Харин 1785 онд анхны жолоодлоготой агаарын бөмбөлгийг Ир¬лан¬дад зохион бүтээсэн байна.